Archivio Vescovile di Agrigento - Registro Vescovi
F. 797
RACALMUTO - Fondazione della Congregazione dei sacerdoti nella
Chiesa di S. Michele.
Nos fr. d. Franciscus Maria Rhini, ord.is min. Reg.is Observantiae
Seraphici Patris nostro S. Francisci, Dei et Sanctae Apostolicae
Sedis gratia Episcopus Agrigentinus, Regiusque Consiliarius etc.
Dilectis nobis in Xhristo filiis Sacerdotibus Don Joseph Sardo, D.
Vincentio Petruzella, D. Paolo Cino et D. Antonino Calcerano terrae
Racalmuti huius nostrae Agrigentinae Diocesis salutem et nostram
episcopalem beneditionem.
Sollecitis studiis ad ea praesertim intendimus, quae divini cultus
servitium augmentum et Xristi fidelium animarum salutare profertum
respiciunt. Cum igitur cupiatis in huiusmodi oppido erigere et
fundare Congregationem Sacerdotum hoc in Regno nuncupatorum Sancti
Ignatij Ecclesiae Sanctae Catharinae de Olivella sive Congregationem
Oratorij Sancti Philippi Neri [797v] ut Deo commodius famulari et
spiritualibus exercitijs faciliter incumbere possitis, requisitisque
hunc ad effectum heredibus et fidecommissario testamentariae
dispositionis quondam don Gerlandi Morreale de officialibus
Societatis Animarum Sancti Purgatorij pro usu Ecclesiae Sancti
Michaelis Archangeli ispisque a nobis impertita licentia per nostram
m. c. E. Agrigentinam, fuit deventum ad actum contentam/ti iam a
nobis recogniti et approbati, nos enixe rogastis ut facultatem
desuper opp.nam vobis tribuere dignaremur.
Nos vero praemissa prae oculis habentes ac attentis donationibus per
vos praefatos de Lo Sardo et Petrozella dispositis pro manutentione
Congregationis Oratorij huiusmodi per acta notarij Antonini Rizzo
decimo septimo Julij iam proximi elapsi, tenore praesentium perpetuis
temporibus valiturarum vobis De Sardo, Petrozella, Cino et Calcerano
alijsque sacerdotibus pro tempore in dicta congregatione existentibus
ispam fundandi, erigendi et constituendi in predicta Ecclesia Sancti
Michaelis Archangeli, in qua diu noctuque de nostra licentia
augustissimum Eucharistiae Sacramentum asservatur et in eadem
congregatione sic erecta vivendi, permorandi, aliaque peragendi iuxta
formam capitulorum et institutionum praefatae Congregationis Sanctae
Catharinae de Olivella Panhormi supradictique actus contentam.ti
Societatis Animarum Sancti Purgatorij et heredum et fide commissarij
quondam D. Gerlandi Morreale tenore semper servato, reservato etiam
nobis et successoribus nostris iure predictam Ecclesiam,
congregationem et ipsius computa [f. 798] visitandi et recognescendi
et non aliter, insuper supplicationibus vestris benigne annuentes
vobis et futuris sacerdotibus dictae Congregationis Oratorij Sancti
Philippi Neri facultatem elargimur singulis annis binas per oppidum
praedictum processiones peragendi SS.mi Crucifixi Domini Nostri
Immaginem circumgestando in die Jovis vulgariter dicti Lardaloro
et in dominica Passionis eiusdem Domini Nostri Jesu Xristi, cumque in
oppido praedicto reperiatur Ecclesia Sancti Antonij jam diruta cum
Immagine SS.mi Crucifixi quae detinet salmas tres et tumulos quatuor
terrarum in pheudo Mentae Status Racalmuti cum onere proprietatis
unciae 1.6. aliam clausuram terrarum salmae unius tumulorum
quatuordecem et quarti unius cum dimidio in dicto Statu et pheudo
Racalmuti et contrata di Garozza cum onere proprietatis unciae
1.6.7.3. et tarinorum viginti quatuor Conventui Sancti Francisci de
Assisia dictae Terrae; item tarinos novem redditus debitos per
heredes Joannis Baptistae Rizzo; tarinos duodecem debitos per heredes
Don Francisci Tigano, quae redditus et bona in totum summam annuam
reddere possunt uncias decem circiter; nec non in campis alia
reperitur Ecclesia Sancti Gregorij Papae pariter diruta cum uncia una
et tarinis viginti octo redditus, attendentes nos ac cordi habentes
spiritualia incrementa ad Xristi fidelium animarum commodum quae
oriri possunt ex tam pro opere fundationis praedictae auctoritate
nostra ordinaria qua in hac parte fungimur clausuras et redditus
praefatos cum alijs uncijs 1.12. redditus altaris Sanctae Agathe in
predicta Ecclesia [f. 798v] Sancti Michaelis Archangeli existentis
vobis concedimus, aggregamus, unimus et assignamus durante tamen et
permanente huiusmodi congregatione qua extinta ordinarius pro tempore
existens de ipsis libere ad sui libitum voluntatis disponere possit
iuxta S.C.T. et legalem dispositionem.
Volumus autem et mandamus quod Imago SS.mi Crucifixi praedictae
Eccelsiae Sancti Michaelis Archangeli ibique serventur sub omnibus et
singulis oneribus, clausulis et conditionibus in legatis et
dispositionibus dictarum clausurarum et reddituum factis ad favorem
supradictarum Ecclesiarum Sancti Antonij, Sancti Gregorij et Altaris
Sanctae Agathae et non aliter.
Mandamus propterea Rev.do Vicario supradictae Terrae quod praemissa
exequatur sub poenis nostro arbitrio infligendis. In quorum omnium
etc.
Datae Agrigenti die septima Augusti nonae Ind. 1686.
fr. Franciscus Maria Episcopus Agrigentinus - Vidit Can.us Lumia -
Vincentius Calafato M.r notarius.
Nessun commento:
Posta un commento